Herzlich Willkommen bei der Theatergesellschaft Eich

 



Rückblick

Bilder zu den Berichten sind unter Impressionen zu finden.

Berichte


Zurück zur Übersicht

13.01.2013

Spass auf der Gschweich

De Bimbo hed ade letschte Prob vor de Hauptprob die suuuuper Idee gha, am Sonntig (am Tag vode Hauptprob) es „WarmUp“ z’mache die Gschweich-Hütte ob Schlierbach.
Träffpunkt 9.45h z’Eich.
Am besagte Morge esch aber am 7.53h i üsem „Sauriöse-Theater-Bandi“-WhatsApp-Chat de 1. Kommentar zum Wätter cho -> Schnee! Und plötzlech hed niemer meh luscht gha uf die Gschweich-Hütte z’laufe. Aber für „Teambildig“ wo mer ja ned hend ;-P hemmer üs glich dezue entschlosse, vor allem will de Casanova sech als „Schlepp- und Ziehesel“ zur Verfüegig gstellt hed :-D
Wo mer denn in Schlierbach acho sind, esch de Spaziergang los gange. Ufem Wäg heds mehreri Versuech gä en Schneeballschlacht azfange.
Nachdem mer acho sind esch sälbstverständlech scho die 1. Fläsche Wiisse bstellt und agstosse worde.
Es hed suuuper luschtigi Gspröch stattgfunde und denn…. Ja denn esch de Höhepunkt cho vo dem Tag: s’Heidi und de Bruno- natürlech mit de bruune Auge ;-) Niemer hed sie könnt aber sie sind grad sympatisch gsi! Darum hemmer sie grad as Theater iglade und s’beschte, de Bruno esch da dem Sonntig grad no 75. worde und denn hed natürlech die ganz Bandi es Happy Birthday gsunge.
Und s’Gschweichabentür esch wiiter gange bis es denn doch Ziit (14.15h) gsi esch zum abmarschiere.
Mit luschtige Witze, em Mäsi wo mit em Natel hed müesse rede, feinem Ässe & Getränk und mit enere grosse Portion Humor semmer ad Hauptprob zrugg uf Eich.

Churz zämegfasst: Alles geili Sieche, schalalala… Alles geili Sieche, schalalala…



Zurück zur Übersicht