Herzlich Willkommen bei der Theatergesellschaft Eich

 



Rückblick

Bilder zu den Berichten sind unter Impressionen zu finden.

Berichte


Zurück zur Übersicht

14.09.2013

Abendausflug 2013

29 TGEler hend sech am Samschtig 14.September im Campus zSorsii zämegfonde. Zerscht hets, bevor mer üs so rechtig im Apéro gwedmet hend, en chlini aber sehr interessanti ond emol en ganz anderi Olympiade gä.
Mer hend dörfe Bagger fahre, Grondressplan läse, Pantomime mache met Sache us de Baubranche ond es Rohr zämesetze, wo mer denn Wasser döreglo hend met so wenig Wasseverloscht wie möglech. Noch dem Spel hets för die Groppe wo gwonne het en chline Pris in Form vomene chline Spel-Bagger gä. Esch wörkli u lässig gsi ond het för dManne wie au dFraue öppis debi gha.
Mer hend denn üs im Apéro zuegwandt, hend ne sogar no chönne dosse näh, ond send nochäne fein goh ässe is Rescherant bem Campus is Ristorino. Feine Salot, es Pastabüffet womer hend chönne näh, so vel mer het welle, met aschliessendem Dessert ond Kaffi, so semmer verwöhnt worde.
Abgrondet het das ganzi denn no en Schlommerbecher, wo mer i de Bar vom Campus gno hend. Leider hets denn afo rägne, aber das esch gar ned tragisch gsi, do mer glich verosse üse Schlummi hend chönne näh of de öberdachte Terrasse vo de Bar.
Es esch wörklech en glongne ond interessante Obigusflog gsi, wo mer hend dörfe erläbe!!



Zurück zur Übersicht